Sää´mjânnam |

Njeäʹllem da Keväjääuʹr siidsååbbar ij leämmaž mieʹrreemvääldlaž – Ođđ sååbbar ǩieʹssmannust

Mââiʹbaarǥ riâššum Njeäʹllem da Keväjääuʹr siidsååbbar ij oʹnstum, ko pääiʹǩ ool jie puättam nok oummu. Čeʹvetjääuʹr siidsååbbar ââʹnet puõʹtti neäʹttlest da Njeäʹllem – Keväjääuʹr sååbbar ââʹnet 4. ǩieʹssmannu.

Jietna: Tanja Sanila
Jietna

Tän neäʹttel Njeäʹllem da Keväjääuʹr vuuʹdi siidsåbbra feʹrttji soiʹttjed oummid pirr siidid. Tän vuâra kuuitâǥ siidsååbbar ij leämmaž mieʹrreemvääldlaž da siidsååbbar ââʹnet ǩieʹssmannust.

– Tät leäi muu ouddoummu pââʹj vuõssmõs ǩerdd, ko jeäʹp vuäǯǯam mieʹrrreemvääldliʹžžen siidsåbbar. Tuõsttlõnji ǩiččlõʹttem riâššâd arggpeivva tän såbbar, leâša kâʹl kuâsttai, što oummu jåʹtte pueʹrab neäʹttel-looʹppin. Ǩiččlõõttâp oʹđđest 4.peeiʹv ǩieʹssmannu, särnn saaʹmi ouddooumaž Tanja Sanila.

Võboršeʹǩǩpiijjmõš påʹrǧǧmannu loopp räjja, vaal lie kålggmannu aalǥâst

Saaʹmi siidsåbbar valmštõlškueʹtte  puõʹtti čõõuč ouddoummuvaalid.  Tän ǩiiđ siidsåbbrin vaʹlljeet ođđ vaal-luʹvddkååʹdd vuässla. Vaal-luʹvddkådda vaʹlljeet kuhttuin siidin kolmm vuässla da siʹjjid vaarvuässla.

Saaʹmi ouddooumažvaal ââʹnet puõʹtti čâhcca.

– Sami jåttlânji lij äiʹǧǧ mõõnnâm. Puõʹtti čâhcca lie ouddoummuvaal da vaal-luʹvddkåʹdd feʹrttai noorrâd ââʹn. Tõt lij ââʹn siidsåbbar vääžnjumus äʹšš. Påʹrǧǧmannu loopp räjja lij võboršeʹǩǩpiijjmõš (lä. ehdokasasettelu) da tõn räjja feʹrttai vaal-luʹvddkådda tuåimted ooccmõõžžid. Ouddoummuvaal lie teʹl kålggmannu aalǥâst.

Varrasamosat: Sää´mjânnam

Váldoođđasat

Bivnnuhamosat

Varrasamosat

Muualla Yle.fi:ssä