Sápmi |

Norgalaččat liikojedje muohta- ja jiekŋabácciide Gilbbesjávrris

Vahkuloahpas dollon jiekŋa- ja muohtačuollangilvvohallamiid bácciid sáhttá fitnat geahččamin Gilbbesjávrri giliguovddážis.

Jussi Katajiston lumiveistos Kilpisjärvellä
Jussi Katajisto vuoitomuohtabázzi Govva: Eanodaga gielda

Norgalaš mohtorgielkkástallit ja eará johttit liikojedje muohta- ja jiekŋabácciide, maid vahkuloahpas dahke Gilbbesjávrris gilvvohallamis. Gilvvu vuittii Jussi Katajisto Sysmäs. Nubbin bođii Alpo Siira Nurmesis ja goalmmádin Riitta Matikainen Joroisis.

Davviriikalaš jiekŋa- ja muohtačuollangilvvohallama lágidedje Gilbbesjávrri fitnodatdoallit, Eanodaga gielda ja Enontekiön Kehitys oasusfitnodat.

Eanodaga gielddahoavda Jari Rantapelkonen lei mielde čuovvumin gilvvu vuosttas geardde.

– Hui fiinna dáhpáhus, mii doarju maid fitnodatdoaimma. Giitu oassálasttiide ja lágideaddjiide, dáid bácciid gánneha boahtit geahččat guhkelabbosge, rápmo Rantapelkonen.

Gilvvohallamis čullon jiekŋa- ja muohtabáccit leat oaidnimis Gilbbesjávrri giliguovddážis.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä