Sápmi |

Ohcejoga searvegotti boahttevuhtii sáhttá váikkuhit dál

Ohcejoga searvegotti boahttevuhtii sáhttá váikkuhit boahttevaš vahku áigge. Oulu duopmokapihttala čielggadanolmmoš Juha Muilu johtá Anáris ja Ohcejogas gullamin searvegoddelaččaid oaiviliid searvegoddejuogu nuppástuhttimis.

18.4.2016
Govva: Vesa Toppari / Yle

Oulu duopmokapihttala čielggadanolmmoš Juha Muilu johtá dán ja boahttevaš vahkus Anáris ja Ohcejogas gullamin searvegoddelaččaid oaiviliid searvegottiid vejolaš ovttastahttimis. Muilu sávvá, ahte nu máŋgasat go vejolaš boađáše rabas ságastallandilálašvuođaide.

– Ášši guoská dábálaš searvegottelahtuid ja dat lea juste sin ášši. Searvegoddi ii leat hálddahusa várás, muhto olbmuid ja eallima várás ja danne mun hálidan gullat sin oainnuid, dadjá čielggadanolmmoš Juha Muilu.

Anár ja Ohcejohka searvegoddeovttastupmin?

Oulu duopmokapihttala čielggadanolmmoš Juha Muilu muitala, ahte son hálida diehtit maid Anára ja Ohcejoga searvegoddelaččat jurddašit searvegottiid boahttevuođa birra.

Juha Muilu
Čielggadanolmmoš Juha Muilu. Govva: Oulun tuomiokapituli

– Mus leat guokte evttohusa ja daid boađán buktit ovdan. Vuosttaš lea dat, ahte Ohcejoga searvegoddi šaddá kapeallasearvegoddin Anára searvegotti oktavuhtii.

– Nubbi lea fas ođđa evttohus, searvegoddeovttastupmi. Dat doaimmašii geavatlaččat nu, ahte Anár ja Ohcejohka bissot sierra searvegoddin ja goappašagain livčče iežas girkohearrá, dušše bursa ja ruhtadoallu livččii oktasaš. Dál de lea áigi ságastallat molsaeavttuin ja sávan, ahte olbmot buktet oainnudeaset ovdan, dadjá Oulu duopmokapihttala čielggadanolmmoš Juha Muilu.

Rabas ságastallandilálašvuođat leat Gáregasnjárgga kapeallas 22.4. diibmu 16, Njuorggámis 23.4. diibmu 11 meassu ja dan maŋŋá girkogáfet ja ságastallan, 24.4. Ohcejogas searvegoddedálus diibmu 18 ja Gáregasjárggas Kalastan Guossi restoráŋŋas diibmu 18. Avvilis dilálašvuohta lea 27.4. Dan lassin Muilu geahččala vahkus 17 deaivat olbmuid muđui Ohcejogas ja Anáris. Sutnje sáhttá váldit maid njuolga oktavuođa.

Muilu ulbmilin lea čohkket evttohusa joatkadoaibmabijuin Oulu bismágotti duopmokapihttalii miessemánu loahpa rádjái.

Beaiváduvvon 21.4.2017 diibmu 11.53: lasihuvvon dárkilut áiggit dilálašvuođain

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä