Sápmi |

Ohcejohka ja Anár dohkkehedje evttohuvvon Davvi-Sámi searvegoddeovttastusa vuođđudeami

Ohcejoga ja Anára searvegoddestivrrat dohkkehdje ikte evttohuvvon Davvi-Sámi searvegoddeovttastusa vuođđudeami. Goappašat searvegottit leat goit dan oaivilis, ahte Ohcejohka galggašii vuostažettiin bissut iehčanassan.

Ohcejoga girku
Ohcejoga girku Govva: Susanna Guttorm / Yle

Anára ja Ohcejoga searvegoddestivrrat ledje ikte mannjebargga čoahkis ja goappašiid searvegottiid stivrrat dohkkehedje evttohuvvon Davvi-Sámi searvegoddeovttastusa vuođđudeami.

Sihke Ohcejoga ja Anára searvegoddestivrrat ledje goittotge dan oaivilis, ahte vuosttaš molsaeaktu lea dat, ahte Ohcejoga searvegoddi bisošii iehčanassan. Ohcejogas searvegoddestivra hálidii láktit beavdegirjái adreassa, mii lea čohkkejuvvon Ohcejoga searvegotti doarjjan. Adressii ledje čoggon badjel 500 nama Ohcejoga searvegotti iehčanasvuođa bealis.

Anára searvegoddestivra fas hálida, ahte Girkoráđđehus mávssašii Ohcejoga searvegotti velggiid, mat leat šaddan Gáregasnjárggas kapealla huksemis.

Loahpalaš mearrádusa Anára ja Ohcejoga searvegottiid boahttevaš ovttasbarggu hámis dahká Girkoráđđehus. Dan ovdal ášši galgá vel Oulu duopmokapihttala gieđahallamii.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä