Sápmi |

Priváhta vuođđudusas leat ohcanláhkai veahkkeruđat Lappi guvlui

Majaoja-vuođđudusas sáhttet veahkkeruđa ohcat Lappi eanangottis ássi ja bargi olbmot ja bargojoavkkut ja maiddái eará guovlluin Suomas ássi sámeduogáš olbmot ja bargojoavkkut.

kuvakaappaus Majaoja-säätiön kotisivuilta
Govva: šearbmagovva/kuvakaappaus

Majaoja-vuođđudus almmuha ohcanláhkai jagi 2017 veahkkeruđaid.

Jagi 2017 veahkkeruđat čuozihuvvojit doarjut Lappi eanangotti kultuvrra. (Eanodat, Anár, Giepma, Giemajávri, Keminmaa, Gihttel, Kolari, Muonio, Pelkosenniemi, Pello, Posio, Ranua, Roavvenjárga, Salla, Suovvaguoika, Simo, Soađegilli, Tervola, Duortnus, Ohcejohka ja Ylitornio)

Veahkkeruđa sáhttet ohcat Lappi eanangottis ássi ja bargi olbmot ja bargojoavkkut ja maiddái eará guovlluin Suomas ássi sámeduogáš olbmot ja bargojoavkkut. Veahkkeruđa sáhttá ohcat dáiddalaš bargamii govvadáidaga, girjjálašvuođa, musihka, teáhter- ja dánsundáidaga ja maiddái kultur- ja álbmotárbbi suorggis. Lassin veahkkeruđa sáhttá ohcat dáiddadáhpáhusaid ordnemii, oahppomátkkiide ja kulturdáhpáhusaide oassálastimii.

Veahkkeruhta lea juohkinláhkai 250.000 euro. Stuorámus ovttaskas veahkkeruhta, mii juhkko, lea 10.000 euro.

Veahkkeruhtaohcamušaid galgá čállit suomagillii. Davvisámegielat, anárašgielat ja nuortalašgielat veahkkeruhtaalmmuhusat gávdnojit vuođđudusa ruoktosiidduin.

Veahkkeruđat leat ohcanláhkai 25.2.-28.4.2017. Elektrovnnalaš veahkkeruhtaohcanskovvi gávdno čujuhusas www.majaoja-saatio.fi čuoggás Apurahat.

Mielddusdieđut, mat vejolaččat bohtet ohcamuššii, sáddejuvvojit poastta fárus čujuhussii Majaoja-säätiö, PL 249, 33101 Tampere. Elektrovnnalaš ohcamuš galgá joavdat 28.4.2017 ja maŋimuš dohkkehuvvon poastasteamppal lea 28.4.2017. Veahkkeruđaid oažžuide almmuhuvvo persovnnalaččat 30.9.2017 rádjai.

Veahkkeruđaid oažžut galget addit vuođđudussii čilgehusa ožžojuvvon veahkkeruđaid geavaheamis jagi 2018 loahpa rádjai.

Majaoja-vuođđudus lea jagis 2000 vuođđuduvvon priváhta vuođđudus. Dan ulbmilin lea doarjut suopmelaš kultureallima buot hámiin.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä