Sápmi |

Sámediggi hálida gullat álbmoga oainnuid sámekultuvrra geavaheamis mátkeealáhusas

Sámediggi lea sádden measta 150 sápmelaš turismafitnodatolbmui ja sámeduojárii jearahallanskovi, mas háliida čielggadit sin oainnuid sámekultuvrra geavaheamis mátkeealáhusas.

Visit Finland
Govva Visit Finland márkanfievrredanvideos. Márkanfievrredanvideos čuhpojuvvui eret sápmelaččaid guoski oassi, go das buollái nu garra kritihka. Govva: Visit Finland

Sámediggi lea ožžon stáhtadoarjaga oahpahus- ja kulturministeriijas, vai dat válmmaštallá ehtalaš rávvagiid sápmelašvuođain ávkkástalli turismma buvttamárkanastima ja čájeheami várás.

– Fidnu vuolggasadjin lea čilget, main oassesurggiin čohkiida ovddasvástáduslaš turisma, man vuođđun lea sápmelašvuohta. Dan maŋŋel dasa sáhttá válmmaštallagoahtit rávvagiid ovttasráđiid suorggi doibmiiguin ja čanusjoavkkuiguin, čállá Sámediggi reives, man lea sádden jearahallanskoviid oktavuođas.

Bargguvuloš rávvagiiguin viggat duddjot háltelinnjáid ja doaibmaprinsihpaid dasa, man guvlui turisma, mii ávkkástallá sápmelašvuođain, galgá ovdánit, vai dat deavdá sosiálalaččat, kultuvrralaččat ja ekologalaččat bistevaš turismma dovdomearkkaid.

– Vai dát neavvun dáhpáhuvašii sámi kultuvrra gudnejahttimiin ja oktanaga rávvešii nu viidát go vejolaš turismasuorggi doibmiid ja čanusjoavkkuid, dárbbašuvvo áigeguovdilis diehtu turismadárbbuin, mat vuođđuduvvet sápmelašvuhtii, boahtteáiggi oidnosiin ja sávaldagain njuolga giettis.

Danin sávváge Sámediggi olbmuid vástidit jearahallanskovvái.

– Dego ealli kultuvra, maiddái turisma ja dan treanddat ja sierralágán buktagiid jearru ja fállu ellet ja earáhuvvet geažos áigge. Vái rávvemiin bastá dávistuvvot nu gokčevaččat go vejolaš daidda hástalusaide, mat dálá dilis dihttojit buvttamárkanasti ja čájeheaddji turismmas, sávvat vástádusaid nu olu go vejolaš, čállá Sámediggi reives.

Sámediggi sávvá oažžut vástádusaid 28.4. rádjái. Jearahallanskovit gieđahallojuvvojit namaheapmin, eaige dat laktojuvvo dakkáražžan mange dokumentii dahje publikašuvdnii.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä