Sápmi |

Sámedikki lahttu almmustahtii heahtečuorvasa sosiála medias – “Orru ahte dat leat goddimin min”

Ohcejohkalaš Aslak Holmberg, guhte lea maiddái Sámedikki lahttu, bivdá eaŋgalsgielat Facebook-videos veahki Deanu soahpamušáššái. Video lea gehččojuvvon dán rádjái badjel 124 000 geardde.

Aslak Holmberg video
Govva: Aslak Holmberg

Aslak Holmberg muitala guoskkaheaddji videos, mo Deanu soahpamuš geahpeda olgobáikegottálaš sápmelaččaid vuoigatvuođaid guolástit Deanus. Video lea gehččojuvvon dán rádjái badjel 124 000 geardde ja juhkkojuvvon lagabui 3 000 geardde.

Holmberg lea fárren Ohcejogas oahpuid dihte, iige oaččo šat guolástit Deanus, jos ođđa Deanu soahpamuš dohkkehuvvo.

– Dathan lea munnje dat váldo árbevirolaš ealáhus, mainna mun lean bargan ja dál dat leat viggamen gieldit mus ollásit bivddu. De fertejin juoidá iskat dahkat, ja die dál de lei boađus, dadjá Holmberg.

“Maŋimuš heahtečuorvvas”

Báikkálaš olbmot leat vuostálastan garrasit Deanu soahpamuša. Holmberg dovdá, ahte juoidá galggai vel iskat bargat.

– Miihan leat viggan juohke láhkai váikkuhit dán áššái. Ovddasteaddjit leat fitnan Helssegis ja mii leat čállán vaikko man olu cealkámušaid, iige dat oro mihkkege veahkeheamen dasa. Dáthan lei dákkár maŋimuš heahtečuorvvas, muitala Holmberg.

Riikkabeaivvit gieđahallet Deanu soahpamuša dievasčoahkkimis disdaga 14. beaivve. Holmbergis eai leat goittotge stuorra vuordámušat.

– Miihan gal leat oaidnán mainna vugiin riikkabeaivvit leat daid sámiáššiid gieđahallan.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä