Sápmi |

Sámegielat tv-ođđasat ođđa sáddenáiggiin TV1:ii

Yle sámegielat tv-ođassáddagat ožžot ođđa sáddenáiggiid vuossárgga rájes. Seammás sirdasit maiddái davviriikkalaš Ođđasat Yle váldokanálii TV1:žii.  24.4. rájes oidnojit Yle Ođđasat diibmu 16.45 ja davviriikkalaš Ođđasat maŋŋiteahkeda ođassáddagiid oktavuođas.

Yle Ođđasat 9.9.2016
Govva: Vesa Toppari / Yle

Rievdadusa duogážis lea Yle kanálaođastus, man oktavuođas Yle Teema ja Yle Fem sáddagat sirdašuvvaba seamma kanálasadjái. Seammás Yle luohpá ovtta kanálasajis.

Ođđa sajistis Yle Ođđasat lea oassin TV1:ža guhkit ođasollisvuođa, masa gullet maiddái Yle Novosti (ruoššagillii), láhttagielat ođđasat ja guovloođđasat.

Davviriikkalaš Ođđasat fas oidnojit boahtte vahku rájes TV1:žis maŋŋiteahkeda ođđasiid oktavuođas. Sáddenáigi rievddada diibmu 22 ja 23:30 gaskkas. Dássážii Ođđasat leat gilvalan Yle váldoođassáddagiin.

Sámegielat bálvalussii ođđa sáddenáiggit mearkkašit buoret vejolašvuođa olahit olbmuid beaivválaččat.

– Sámegielat sisdoalu ii galgga dárbbašit ohcat. Sámeságaid gullan ja oaidnin galgá leat maiddái váldoservodaga olahanmuttus, dan sávvat ollašuvvat buorebut ođastusa mielde, lohká Yle Sámi sadjásaš hoavda Maria Saijets.

Ođđa sáddenáiggit 24.4. rájes:

Yle Ođđasat árgabeivviid dmu 16:45 Yle TV1, duorastagaid go riikkabeivviin lea gažadanboddu sáddejuvvo sátta easkka dmu 16:52.

Ođđasat árgabeivviid maŋŋit eahkeda ođassáddaga oktavuođas Yle TV1.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä