Sápmi |

Sámigielddain váldostivrraáirasiid gaskamearálaš ahki lea badjelaš 50 jagi

Sámi gielddaid váldostivrraide válljejuvvon lahtuid gaskaahki lea 50-54 jagi. Sámegielddaid nuoramus válljejuvvon lahtu lea 18-jahkásaš Santeri Kirkkala Eanodagas, ja boarráseamos fas 76-jahkásaš Antti Katekeetta Ohcejogas.

Antti Katekeetta
76-jahkásaš Antti Katekeetta lea boarráseamos Ohcejoga váldostivrii válljejuvvon lahttu. Govva: Vesa Toppari / Yle Sápmi

Anára gieldda váldostivrii válljejuvvon lahtuid gaskaahki lea 50 jagi. Nuoramus válljejuvvon lahtu lea 21-jahkásaš Gurutbellodaga ovddasteaddji Maria Peltonen. Boarráseamos lahtu lea 73-jahkásaš Pekka Pekkala, guhte lea Guovddáža ovddasteaddji. Válljejuvvon lahtuin albmát leat 41 % ja nissonat 59 %.

Eanodaga gieldda váldostivrra lahtuid gaskaahki lea 51 jagi. Válljejuvvon lahtuin nuoramus lea 18-jahkásaš Olgešbellodat Kokoomus ovddasteaddji Santeri Kirkkala, ja boarráseamos fas 66-jahkásaš Guovddáža ovddasteaddji Ulla Keinovaara. Eanodaga gieldda váldostivrii válljejuvvon lahtuin 47 % leat albmát ja 53 % leat nissonat.

Soađegili gieldda váldostivrra ođđa lahtuid gaskaahki lea 54 jagi. Nuoramus lahtu lea 22-jahkásaš Riikka Karppinen, guhte ovddasta Ruonáid. Boarráseamos válljejuvvon lahtu lea 70-jahkásaš Risto Niemi, guhte ovddasta Guovddáža. Váldostivrii válljejuvvon lahtuin 63 % leat albmát ja nissonat fas 37 %.

Ohcejoga gieldda váldostivrii válljejuvvon lahtuid gaskaahki lea 52 jagi. Nuoramus válljejuvvon lahtu lea Sosiálademokráhtaid 25-jahkásaš Anni Koivisto, ja boarráseamos fas 76-jahkásaš Guovddáža ovddasteaddji Antti Katekeetta. Váldostivrii válljejuvvon lahtuin 73 % leat albmát ja 27 % nissonat.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä