Säämi |

Sämitige jeessân vuolgâttij eetičuárvus sosiaallâš median – “Oro et toh láá koddemin mii”

Sämitige jeessân Aslak Holmberg pivdá iše Facebook-videost Tiänu -sopâmuš keežild. Ulmuuh láá juáhám video somest jo tuháttijd keerdijd.

Aslak Holmberg video
Govva: Aslak Holmberg

Aslak Holmberg muštâl tobdoid kuoskâtteijee videost, maht Tiänu –sopâmuš keeppid olgopáihálij vuoigâdvuođâ kuálástiđ Tiänujuuvâst. Video láá keččâm Facebookist oholoopâ ääigi 80000 kerdid já juohhum paijeel 2000 kerdid.

Holmberg lii varrim Ucjuuvâst meddâl škoovlâ tiet ige uážu innig kuálástiđ Tiänujuuvâst, jis Tiänu –sopâmuš olášuvá.

– Taathân lii munjin taat válduärbivuáhálâš iälámâš, moin mun lam porgâm já tääl toh láá viggâmin kieldiđ must ollásávt. Te ferttiim maidnii iskâđ porgâđ, te tie lii puáđus, muurâšt Holmberg.

“Taathân lâi tággáár majemuš eetičuárvus”

Páiháliih ulmuuh láá ennuv vuástálistâm Tiänu -sopâmuš. Holmberg tobdá, et val mahtnii kalga irâttiđ porgâđ.

– Miihân lep viggâm jyehi náál vaikuttiđ taan áášán. Ovdâsteijeeh láá iällám Helsigist já mii lep čáállâm veikkâ mon ennuv ciälkkámušâid, ige oro mihheen ävttimin toos. Taathân lâi tággáár majemuš eetičuárvus, muštâl Holmberg.

Ovdâskodde kieđâvuš Tiänu –sopâmuš tievâsčuákkimist majebaargâ 14. peeivi. Holmbergist iä lah kuittâg stuorrâ vuárdámušah, et aalmugovdâsteijeeh perustičij tággáár videoin.

– Miihân kal lep uáinâm moin vuovijn tobbeen ovdâskoddeest láá sämiaašijd kieđâvuššâm. 

Varrasamosat: Säämi

Váldoođđasat

Bivnnuhamosat

Varrasamosat

Muualla Yle.fi:ssä