Sápmi |

Siidda ođđa čájáhus čálmmustahttá Sámi oahpahusguovddáža 40 jagi historjjá dálá ohppiid muitalusaid bokte

Oahppobálgát -čájáhus Siiddas ovdanbuktá ohppiid muitalusaid bokte Sámi oahpahusguovddáža skuvlenfálaldaga ja dan earenoamáš sajádaga sápmelaš ámmátlaš oahppolágádussan Suomas.

Oahppobálgát
Oahppobálgát-čájáhusas leat ovdan ohppiidmuitalusaid, ohppiid duddjon duojit ja eará ohppiidbargguid Govva: Sámi oahpahusguovddáš

Oahppobálgát-čájáhus Siiddas ovdanbuktá ohppiidmuitalusaid bokte Sámi oahpahusguovddáža skuvlenfálaldaga ja dan earenoamáš sajádaga sápmelaš ámmátlaš oahppolágádussan Suomas.

Oahppobálgát-čájáhusas leat ovdan ohppiidmuitalusaid, ohppiid duddjon duojit ja eará ohppiidbargguid dego čuovgagovat ja videomateriála. Oahppobálgát lea rabas álbmogii 31.5. – 1.10.2017.

Sámi oahpahusguovddáš doaibmagođii jagi 1978 duodjeskuvlejumiin.

Oahppofálaldat lea viidon áiggiid mielde

Measta 40-jagi historjjás áigge Sámi oahpahusguovddáža oahppofálaldat lea viidon ja guoskkaha surggiid, mat dorjot guovllu.

Oahpahus lea boazodoalu, turismma ja eará bálvalussii guoski surggiid ja media. Dasa lassin oahpahusguovddážis studerejit buot Suomas hállojuvvon sámegielaid; anáraš-, davvi- ja nuortalašgielaid. Sámi duoji skuvlejumit lea ainge oahppolágádusa iežas suorgi, mii bálkkaša oahppis.

̶  Leat boahtán studeret Sámi oahpahusguovddážii garra duodji linjái sierra guovlluin Suoma. Duddjomis fiinnis lea dat, go oaidná dan maid lea ožžon áigái iežat gieđaiguin. Dál leat rivttes áiggi rivttes sajis ja oažžut leat earenoamáš oahpaheddjiid oahppin, muitalit garradujiid oahppit Oahppobálgát-čájáhusas.

Oahppobálgát-čájáhusa lea buvttadan Sámi oahpahusguovddáš ovttas Sámemusea Siiddain. Sámi oahpahusguovddáš lea buvttadan čájáhussii maid lassemateriála internehttii.

Čuovvumiin oahppobálgá čujuhusa gávnnat lasi muitalusaid ohppiin, govvamateriála ja duodjegovaid.

 

Rievdaduvvon 12.5.2017: Bajilčállagii lasihuvvon sátni "dálá". Ođđa čájáhusas leat ovdan dálá oahppiid muitalusat, eai ovddeš oahppiid oahppobálgát. Bajilčállaga ovddeš hápmi lei ná: "Siidda ođđa čájáhus čálmmustahttá Sámi oahpahusguovddáža 40 jagi historjjá ohppiid muitalusaid bokte".

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä