Sápmi |

Stuorraspireráđđádallangoddi doarju getkkiid sierralobiid boazovahágiid geahpedeapmin

Boazodoalloguovllu stuorraspireráđđádallangoddi cealká dieđáhusasttis, ahte dán dálvvi geatkebivdu leamaš dárbbašlaš doaibmabidju boazovahágiid geahpideamis.

Ahma.
Govva: Petri Ovaskainen

Eanan- ja vuovdedoalloministeriija attii guovvamánus ásahusa, mii addá lobi gávcci geatkki goddimii davvi ja nuorta beale boazodoalloguovlluin. Sierralobiid mieđiha Suoma fuođđoguovddáš. Juohke lobi gehččet sierra ja dat čujuhuvvojit dakkár getkkiide, mat dagahit olu boazovahágiid.

Boazodoalloguovllu stuorraspireráđđádallangoddi cealká dieđáhusasttis, ahte dán dálvvi geatkebivdu leamaš dárbbašlaš doaibmabidju boazovahágiid geahpideamis.

Ráđđádallangoddi guottiha sierralohpevuogádaga joatkima ja atná dehálažžan, ahte boahttevaš jagiid mearrádusaid vuođđun čielggaduvvo dárkilit ollašuvvan goddimii váikkuhusat boazovahágiid mearrái.

Dan lassin ráđđádallangoddi muittuha, ahte getkkiid sierralobi gáibidan ásahus stuorámus sálašmearis galggašii addit nu árrat go vejolaš, vai goddinlobiin livčče ávki ja amas dat čuohcat čoavjegetkkiide.

Sierralohpevuogádagas guovddášrollas lea eiseváldiid gaskasaš kommunikašuvdna ja ovttasbargu. Boazodoalloguovllu stuorraspireráđđádallangoddi sávvá, ahte sierralohpevuogádahkii guoskevaš ovttasbargoproseassaid ovddidit maiddái eiseváldiid gaskasaš doaimmas.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä