Säämi |

Tiärmáá škovlâ lopâttuvvoo

Aanaar kieldâ váldustivrâ tuhhiittij jieht kieldâhaldâttâs iävtuttâs ääšist.

Avvila Dearpmáža skuvllas leat gávdnan guohppaga.
Tiärmáá škovlâ. Govva: Eljas Niskanen / Yle

Avelist Tiärmáá škovlâ piäijoo lopâlávt kiddâ.

Aanaar kieldâhaldâttâs toovâi ääšist iävtuttâs vuossaargâ. Tuorâtuv váldustivrâ kieđâvušâi ääši já meridij tuhhiittiđ kieldâhaldâttâs iävtuttâs lopâttiđ Tiärmáá škoovlâ lopâlávt.

Tiärmáá škoovlâ puáris škovlâviäsust lijjii maaŋgâlágáneh čuolmah, tego ovdâmerkkân sisâááimuvädisvuođah já kuopâčuolmah. Škovlâviäsu tivvoom ličij majemui tiäđui mield šoddâm mäksiđ masa 2,5 miljovn eurod.

”Tuše haaldâtlâš miärádâs”

Aanaar kieldâ váldustiivrâ saavâjođetteijee Anu Avaskari muštâl, ete váldustiivrâst ääšist ij tarbâšâm tääl innig ennustkin savâstâllâđ.

– Lep kieđâvuššâm ääši jo maŋgâ ive, te tääl taat lâi tuše haaldâtlâš miärádâs. Tiärmáá škovlâliih-uv láá lamaš jo muáddi ive Avveel škoovlâst, te toin naalijnhân taat äšši lâi jo puohháid čielgâs, sun iätá.

Avaskari mielâst puáris sijdâškoovlâid ličij suotâs siäiluttiđ, mut jiermi-uv kalga kevttiđ.

– Ahheev ete tággáár puáris mučis škovlâviäsu kalga kyeđđiđ kuárusin, mut kale tiervâsvuođâaašijd kalga vuáruttiđ, sun iätá.

Tiärmáá škoovlâst šoodâi ennuv savâstâllâm muádi ive äägi. Uási škovlâlij vanhimijn vuástálistij škoovlâ lopâttem. Škovlâviäsu tivvoommáhđulâšvuođâid árvuštâllii maŋgii já jyehi tove tivomân tarbâšum ruttâsumme pajanij.

Škoovlâ uáppeid sirdii jo ovdâlist Avveel vyelitáásán.

Peividum 19.5.2017  11:06 Anu Avaskari kommentijguin.

Varrasamosat: Säämi

Váldoođđasat

Bivnnuhamosat

Varrasamosat

Muualla Yle.fi:ssä