Sápmi |

Vuossárgga lea boahtán fápmui ođđa ásahus boazodoalu doarjagiin

Boazodoalu doarjjaortnegiid leat ođasmahttán, ođđa ásahus doarjagiin bođii fápmui 15.5. Doarjagiid ohcan rahpasa, go ásahusa čađaheapmái guoskevaš mearrádusat, skovit ja diehtoortnetnuppástusat leat dahkkon.

poroerotus Skalluvaarassa Utsjoella
vuorkágovva Skállovári bigálusgárddis Ohcejogas Govva: Anneli Lappalainen / Yle

Ásahus boazodoalu ja luondduealáhusaid doarjagiin lea boahtán fápmui 15.5.2017. Ásahusain váldet atnui boazodoalu ja luondduealáhusaid doarjagiin addon lága čuovvu doarjjaortnegat. Ortnegat leat geavahusas boaozodoalloguovllus.

Ásahusain meroštallo dárkilabbot doarjaga mieđiheapmái ja máksimii guoskevaš eavttuin ja meannudemiin go lágas. Doarjjahámit leat ealáhusbargi investerendoarjja, nuorra ealáhusbargi álggahandoarjja, ealáhusbargi vistehuksendoarjja, bálgosa investerendoarjja, bálgosiid áiddiid fuolahandoarjja, dutkanruhtadeapmi ja eará erenomáš ovddut.

Ođasmahtton doarjjaortnegis leat váldán vuhtii dálá prográmmabaji EU-láhkaásaheami ja Nannán-Suoma dálonguovllu ovddidanprográmma 2014-2020 eavttuid. Dálá ásahusas leat geahpedan doarjagiid eavttuid sihke čohkken njuolggadusaid oktii ja dahkan oktiilažžan daid eanandoalu doarjjaortnegiin.

Doarjagiid mieđiha Lappi ealáhus-, johtola- ja birasguovddáš. Doarjagiid ohcan rahpasa, go ásahusa čađaheapmái guoskevaš mearrádusat, skovit ja diehtoortnetnuppástusat leat dahkkon. Eananguovlodoaimmahat dieđiha doarjjaohcama álgimis.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä