Säämi |

Yle Uđđâseh čuovvuu kieldâvaaljâin jienâstem Vuáčust já Avelist

Yle Uđđâseh sahhiittâllii Avveellijd já Vuáččulijd vaaljâpeeivi. Taan artikkâlist puávtáh luuhâđ sii kommentijd.

Kieldâvaaljah Avelist
Avelist jienâstempäikki lii kieldâtáálust Govva: Eljas Niskanen / Yle

Tijme 11 Vuáču škoovlâ šiljoost kullui iänááš pennuu umâstem kostnii muádi čyeđe meetter keččin. Vaaljâpargeeh-uv čokottâllii škovlâviäsust pargottemin.

Vuáču vaaljâpargeeh
Vuáču vaaljâpargein ij lamaš huáppu tijme 11. Govva: Eljas Niskanen / Yle

 

Vaaljâpargeeh onnii puudâ pyerrin já vuoššii kaahvijd vyerdidijnis.

 

Toni Sieppi eelij jienâstmin Vuáču škoovlâst kieldâvaaljâin
Toni Sieppi ij ájánâm kuhháá jienâstempääihi alne. Govva: Eljas Niskanen / Yle

 

 

 

Tijmepele vyerdim maŋa ulmuuh oppeet ittii jienâstempääihi oolâ. Toni Sieppi ij ájánâm kuhháá jienâstempääihi alne. Vaaljâid sun ij halijdâm taan kove kuittâg kommentistiđ tađe eenâb.

 

Joonas Sieppi eelij jienâstmin.
Joonas Sieppi jienâst ain ko tot lii máhđulâš. Govva: Eljas Niskanen / Yle

 

 

 

Joonas Sieppist ij lamaš huáppu. Sun ij šoddâm ubâ jurdâččiđ ete višá-uv vyelgiđ jienâstiđ.

– Jyehi kerdi laaviim jienâstiđ, sun muštâl.

Sieppi ij kuittâg vala tiättám ete áigu-uvks čuávvuđ vala ehidist tom, magareh puátuseh täin vaaljâin šaddeh.

 

 

Sanna Safronova
Sanna Safranova tieđij jo valmâšin kiäm jienâst. Govva: Eljas Niskanen / Yle

Sanna Safronovastkin iä lamaš vädisvuođah valjiđ iävtukkâs. Vaigâdub koččâmuš lâi kuittâg tot, maht vaaljâin kiävá.

– Na tomhân mun jiem kale tieđe, sun povvâst.

 

 

Kerttu Paltto monâmin jienâstiđ
Kerttu Paltto moonâi smiettâđ vala kiäm jienâst. Govva: Eljas Niskanen / Yle
 

Avelist jienâstempäikki lâi kieldâtáálust. Šiljoost lijjii-uv ennuv autoh ehidispeeivi.  Ovdil ko avveellâš Kerttu Paltto kiergân lavkkiđ siisâ uuvsâst, te sun-uv kiergân kommentistiđ vaaljâid. Sun ij lamaš vala valjim jieijâs iävtukkâs.

– Lam mun irâttâm smiettâđ, mut mun jiem tieđe kiäm kalga jienâstiđ, sun povvâst.

Paltto lii táválávt jienâstâm kieldâvaaljâin, mut ij aaibâs jyehi tove. Sun ij ááigu čuávvuđ rekinistem ehidist.

– Jiem ááigu. Kal tom kiergân puáttiđ tiettiđ, sun iätá.

Varrasamosat: Säämi

Váldoođđasat

Bivnnuhamosat

Varrasamosat

Muualla Yle.fi:ssä