Sápmi |

Temábeivviin oahpásmahttet arkeologiija ođđa dutkanbohtosiidda

Arkeologiija temábeivviid lágideamen oahpásmahttet olbmuid arkeologaid bargui ja suorggi dutkanbohtosiidda. Anáris otne skuvlalaččaide lágiduvvon arkeologiijabeaivvi dáhpáhusas oahpahedje skuvlalaččaide dovdat luonddus jođedettiin arkeologalaš bázáhusaid.

Arkeologiijabeaivi
Arkeologiijabeaivvis mánát besse maid báhčit njuollabissuin. Govva: Yle Sápmi/ Vesa Toppari

Anárlaš Ánde Hetta dadjá su mielas dáhpáhus lei hui miellagiddevaš.

- Galhan doppe sáhttá gávdnat váikko boares ruvkkuid dahje maidnu dávttiid gávdnat. Ja lean mun gal godderokkiid oaidnán doppe Bálojávrris Eanodaga bealde.

Sámemusea Siiddas lágiduvvon arkeologiija beaivi lea oassin riikaviidosaš arkeologiijabeivviid. Ulbmil buktit oahpisin dieđasuorggi, mii dutká historjjás dan oasi, mas eai leat čálálaš dieđut. Arkeologa Eija Ojanlatva dadjá beivviin leat dieđasuorggi oahpásmahttima ulbmil ja nubbi velá.

- Mii hálidit olbmuin maiddái almmuhusaid, maid sii leat oaidnán doppe luonddus.

Riikkaidgaskasaš prográmma

Arkeologat gávdnet olles áiggi ođđa dieđuid davviguovllu historjjás. Ovdamearkan Ruošša beale báktesárgosiid leat dutkan ođđa vugiiguin. Daid birra muitalit sámemusea Siiddas lávvardaga diibmu 11.00. Eija Ojanlatva mielde logaldallamis oažžu miellagiddevaš dieđuid báktesárgosiid dutkamis.

Liliana Janik boahtá Cambridge universitehtas boahtá muitalit Viena guovllu Uikujoga báktesárgosiid dutkamis. Dat lea miellagiddevaš dutkamuš, man sii leat dahkan. Doppe leat leamaš moatti jagi prošeavttat. Sii leat hutkan ođđalágan dutkametodaid ja 3-D málliid daid sárgosiin.

Dáhpáhusa ordnejit Sámemusea Siidda Sámi kulturbirasossodat ja Meahciráđđehusa kulturárbbi investerenprošeakta.

Yle Sápmi/ Maiju Saijets





Varrasamosat: Sápmi

Váldoođđasat

Sápmi

Riessungursa Helssegis ođđajagimánus, fárrui čáhká vel

Liidneriessungursa álgá ođđajagimánu 16. beaivve ja bistá olles vahkuloahppa, muhto fárrui sáhttá searvat maid oanehaččatge áigge. Lea dehálaš ášši, ahte mis lea dáppe máddin vejolašvuohta oahpat duddjot, muhto lea buorre maid áddet, ahte dákkár gurssain oahpa dakkár standardavuogi duddjot, muhto iešguđetge sogaid duodjeárbevieruid ja dovdamearkkaid dákkár almmolaš gurssain ii oahpa, muittuha Sini Nuorgam City-Sámit -searvvis.

Bivnnuhamosat

Varrasamosat

Muualla Yle.fi:ssä