Sápmi |

Unna Junná -adreassas badjelaš 1 000 nama

Pauliina Feodoroff ja Outi Paadar geigiiga sámegielat mánáid tv-prográmma Unna Junná beales čoggojuvvon adreassa bearjadaga iđđes gávcci áigge Yle hálddahusráđi ságadoallái Ilkka Kantolai. Neahttaadreassa vuolláičálle mánotbaji áigge 1 161 olbmo, joavkkus leat maid gávcci riikkabeaiáirasa.

Unna Junná maskohtta oaggumin
Govva: YLE Sápmi

Adreassa geigejuvvui Kantolai riikkabeaidálus Helssegis. Neahttaadreassain gáibidit prográmmii bissovaš ruhtadeami, go dál ruhtadeamis mearridit dušše jahkebeallái hávil.

Adreassa álggaheigga Pauliina Feodoroff ja Rauni Äärelä. Äärelä šálloša, go Unna Junná lea eahpesihkkaris dilis ruhtadeami dáfus.

- Orru, ahte Unna Junná dilli joatkašuvvá dákkáražžan ja dan čájehit dušše duollet dálle. Giige ii riekta oro diehtimin, mii boahtá dáhpáhuvvat.

- Gažaldat ii goittotge leat beare ruhtadangáibádusas, muhto mis lea maid buktit ovdan čielga plána das, mo Unna Junná boahttevuođas buvttadit. Boahttevuođas galggašii smiehttat maiddái, livččiigo vejolaš buvttadit iežas prográmma nu davvisáme-, anáraš- go nuortalašgillii, lohká Äärelä.

Sámegielat mánáidprográmma Unna Junná sáddejuvvo giđđat juohke sotnabeaivve TV2-kanálas diibmu 7.45 ja Yle Fem -kanálas diibmu 8.15.

Varrasamosat: Sápmi

Váldoođđasat

Bivnnuhamosat

Nuõrttsääʹmǩiõlâst vuäitt tän pââʹjest spraavdõõttâd pâi vuâđđmättjummuužž õlltääʹzzest

Oulu universiteeʹtt Giellagas-instituuttâst ij leäkku tän pââʹjest vuäittmõš juäʹtǩǩed nuõrttsääʹmǩiõl mättʼtõõttmõõžž vuâđđmättjumuužži mâŋŋa. Jõs haalad juäʹtǩǩed kandi- leʹbe maistermättjumuužžid, vuäitt ooccâd mättʼtõõttâd sääʹmkulttuur leʹbe tâʹvv- leʹbe aanrõšǩiõl da õhtteed täk nuõrttsääʹmǩiõl vuâđđmättjumuužžid tõõzz tuʹtǩǩõʹšše, ceälkk Anna-Liisa Väyrynen Giellagas-instituuttâst.

Varrasamosat

Muualla Yle.fi:ssä