Helsingin da Uvvenmuan voimattomanhoidopiirin (HUS) toimitusjohtajan Juha Tuomizen mugah laukkah kävves korona-aigua pidäy mustua erähät piädielot.
Nygöi äijät duumaijah, kui kävyzit laukkah tuomattah siepäi koronaviirussua libo tartuttamattah toizii.
Tuominen luvetteli piätteniččän Ylen huondeksen pagizuttelus korona-aijan laukkah käyndän nelli tärgiedy ohjavuo. Voit kaččuo ohjavot videos plikkuamal tämän kirjutuksen kuvua.
1. Vaigu yksi ristikanzu perehes kävyy laukkah.
2. Enne laukkah lähtendiä käit pidäy pestä, ollou sih mahtuo. Ei se ozitunne, sit pidäy vähimyölleh käyttiä käzidezii.
3. Toizes ristikanzas pidäy olla turvuvälii nenga kaksi metrii.
4. Tyhjii paginoi ei pie pidiä, ”terveh da kuibo dielot” laukas parem on jättiä sanomattah. Maksajes ostoksis voibi vaigu kaččuo muheloittajen myyjäle silmih da nyökätä.
Euroupan taudivirraston (ECDC) mugah (siirryt toizeh palveluh) rahvas voidas käyttiä maskua laukkah kävves.
Ližäkse Syömisvirrasto Ruokavirasto (siirryt toizeh palveluh) on korostannuh, gu voimattomannu ei pie mennä syömislaukkah.
HUSin toimitusjohtaja kertoo, miten välttää tartuntaa ja tartuttamista kauppareissulla – video