Suomes koronaviirusan tartundučieppilöin jällitändäh niškoi luajittu Koronavilkku-sobivutus tuli azetettavakse ezmässargen huondeksel tuli ladattavaksi maanantaiaamuna, da se rodih äijile mieldy myöte.
Ezmässargen ehtypäiväl 17 aigah Tervehyön da hyvinvoindan laitoksen (THL) tiijonhalličendujohtai Aleksi Yrttiaho saneli Twitteras, gu sobivutustu oli azetettu julguandupäivänny enäm 220 000 kerdua.
Ehtäl 21 aigah sobivutustu oli lad’d’attu piäl puolen miljonan kerran. Yrttiaho sanoi Ylele, gu tiijustandas lad’d’avusmiärih näh on sen-tämän čuasun hätkestymine.
– Enzimäzen kuun aigua tavoittelemmo läs miljonua käyttäjiä. Hyödyy roih jo pienembäsgi käyttäjien miäräs, ga midä enäm rahvastu rubieu käyttämäh nečidä, sidä teriäm sobivutus tavoittau koronaviirusantartundah herkennyzii, nenga sanoi Yrttiaho aijemba ezmässargen.
Koronavilkun lövvät Applen da Googlen sobivutuslaukois libo kohtinazen lad’d’avuslinkan vuoh adresis koronavilkku.fi(siirryt toizeh palveluh).