Juuvan kunnanjohtai, hallindotiedoloin magistru Markus Hirvonen rodih Pohjas-Karjalan uvvekse muakunnanjohtajakse.
Muakunnan valdujoukko valličči 36-vuodizen Hirvozen muga sanotukse heimopiälikökse iänilöin 36–13.
Valdujoukko kerävyi Jovensuus Kerubih, da iäneständän luavunnu oli salvattu lippuiänestys.
Hirvozen vastahehoitetunnu oli 53-vuodine mua- da meččytalovustiedoloin dohtoru da Suomen Meččykeskuksen eloikeinojohtai Anssi Niskanen.
Muakunnan piälikön virgu roih otettavakse vastah ei myöhembä vuvven 2021 pakkaskuun alguu. Hirvonen vie ei malta sanuo, konzubo hänen ruado nečis virras algau.