Hyppää sisältöön

Kuluttajanhinnat vähäzel kazvettih elokuul

Statistiekkukeskuksen mugah elokuul infl’acien pienenemizeh vaikutti paiči muudu kazvoksien huovistumine.

Kuluttajanhinnat nostih ezimerkikse korvattavien resepturohtoloin kallistumizen myödäh. Kuva: Ismo Pekkarinen / AOP

Kuluttajanhinnat kazvettih Suomes elokuul 0,2 prosental mullozih verraten, nenga sanou Statistiekkukeskus. Hinnat nostih paiči muudu savukkehien, korvattavien resepturohtoloin da dengukižoin kallistumizen myödäh.

Fatierulaihinoin prosentat, hotellipertit, ulgomuan lennot da poltoainehet yhtelläh oldih huogehembat, migu mennyt vuon. Ezimerkikse poltoainehen infl’acii elokuul oli -4,1 prosentua.

Heinykuul infl’acii oli 0,6 prosentua. Statistiekkukeskuksen mugah elokuul infl’acii pieneni paiči muudu kazvoksien huovistumizen täh.

Euroalovehel toizielpäi kuluttajanhinnat elokuul alettih ennakkotiedoloin mugah 0,2 prosental. Heinykuul lopulline infl’acii euroalovehel oli 0,4 prosentua.

Yhtenmugaistetus indeksas ei olluh keräl ezimerkikse dengukižoi, laihinoin prosentoi eigo ni omistuseländiä.

Suosittelemme sinulle