Hyppää sisältöön

Ven’al varustetahes e-viizan käyttöhotandah Värčilän rajanylityskohtal

Ven’al varustetahes e-viizan käyttöhotandah Värčilän rajanylityskohtal

E-viizua on opittu matkoih Piiterih da Leningruadan alovehele, ga sidä vie ei olluh käytös Karjalan tazavallas. Kuva: Ari Haimakainen / Yle

Ven’alazet varustetahes sähközien viizoin käyttöhotandah Värčilän rajanylityskohtal.

Karjalan tazavaldu tahtou ottua käyttöh e-viizat tulien vuon. Zakon andau mahtuo uvvele viizankäytändäle vuvvenvaihtos.

Vuotetah, gu e-viizan käyttöhotandu ližiäs matkailuu Suomespäi Ven’an Karjalah.

Karjalan Sanomat -lehti saneli syvyskuul, gu Värčilän raja-azemal Ven’an puolel tahtotah ližätä ajoriädyy da tullimiehien miäriä sego azettua laittehii e-viizoin tarkistamizeh niškoi.

Niiralan rajatarkastusazeman piälikkö Arttu Maaranen on sidä mieldy, gu e-viizat ei voija vaikuttua rajaliikendeheh äijäl, sendäh gu ezimerkikse tavanmugazele lähialovehen benzinäh ajelijale moine kerduviizu ei päi.

E-viizu on ilmaine, ga sih niškoi planiiruijah uuttu luajindumaksuo käsittelymaksua(siirryt toiseen palveluun) (siirryt toiseen palveluun). Yhtelaigua pitkenöy voimasolenduaigu 16 päivässäh. Värčilän kauti mulloi ajoi 1,12 miljonua rajanylittäjiä

Keviäl korona hillendi kanzoinvälizen rajanylityskohtan matkuniekoin liikendehen, ga gruuzumašinat Niiralas piästäh rajan yli endizeh tabah.

– Nygöi on 300–400 matkuniekkua suutkis, da heis vaigu 20–40 ollah ketgi muut, ei gruuzumašinoin šouferit, sanou Maaranen.

Matkailun elavundu rippuu Suomen halličukses, kudai piättäy matkuamistu koskijoih koronarajoituksih näh.

Koronan täh e-viizupakičuksii ei voi luadie Piiterih, Viiburih libo muijale, kus se on jo käytös.

Venäjällä valmistaudutaan e-viisumin käyttöönottoon Värtsilän rajaliikenteessä

Suosittelemme sinulle