1) Pane rastavantuohukset da led-lampat
Tuohuksien libo led-lampoin valgies pienet villukoirat jo ei muga äijiä čökitä silmäh.
2) Pyhki veriän pielet hyväle tulijal puhtastusainehel
Nenga sit sinun kois tulou hyväle kerras, konzu vai astut pertin sydämeh.
3) Pasta rastavanpriädniekkiä
Rastavanpriädnieköis voit luadie iluo tuojan mobil’an libo panna niilöi yhteh nuorah da riputtua ezimerkikse keitändypertih. Sit rastavanpriädnieköin duuhuu roih kogo kois. Musta čomendua rastavanpriädniekät zuaharipeskul da nonparelliloil.
4) Pie ruokinduarbuajazet perehen keskes
Kirjuta pienile lippuzile eriluadustu ruokinduruaduo, ezimerkikse WC:n kabrastus, imuroičendu da pölylöin pyhkindy. Lapsih niškoi voit vallita kebjiembiä ruaduo da aiguhizih näh jygiembiä. Jogahine arbuau oman ruavon da luadiu kabrastuksen sovittuh aigah. Sit voitto yhtes juvva glögit.
5) Vaihta kai käzipaikat puhtahih
Kulunuot, ribuu juohattajat käzipaikat voijah ozuttuakseh reduhizikse. Puhtahat käzipaikat tuvvat puhtahuttu kodih.
