Hyppää sisältöön

Seiččemen kunnan markinoičendutembavus sai 300 hengie viriemäh loittoruadolomah Savos

Tembavus tariččou ilmazen sen-tämän päivän loittoruadoloman, kudaman aigua voit testiiruija, kui loittoruado ozittuu hierus.

Koronan aigua ruaduo on ruattu loitoči enäm, migu konzutahto enne. Vikse se jatkuu sežo epidemien jällesgi. Kuva: Arttu Timonen / Yle

Nenga 300 hengie on kiinnostunnuh oppimah ruadua loitoči Pohjas-Savos. Pagin on seiččemen kunnan yhtehizes markinoičendutembavukses, kudai tariččou mahton ruadua loitoči ilmai kunnas sen-tämän päivän aigua. Loitočiruadai ristikanzu piäzöy sežo testiiruimah eriluaduzii joudoaijan viettämizen mahtoloi.

Eriluadustu loittoruadopakiettua on 10. Pyrgimysaigu loppih vuvvenvaihtos da enäm muidu mielenkiinduo viritti Loittoruadoloma heboloinke Keiteliel. Pyrgijöi kiinnostettih sežo pakietat Treenilöi da loittoruaduo Suonenjovel sego Inspiriiruiče iččie iglus järven rannal Leppävirral.

Loittoruadopakiettua ollah pakittu kui ruavottomat ruavoneččijät, mugai yritysjohtajat. Valličendas piäpaino luajittih kyzyjän somemaltoloih da tahtoh muuttua elämäh alovehele pyzyjäh luaduh. Loittoruadoh tulii omas puoles sidohes somettamah iččeh kogemuksih näh.

Keräl olijat kunnat tahtotah ozuttua, gu loittoruavon ruadamine menöy hyvin sežo hierus da bonusannu vie luondo on lähäl. Ilmastu loittoruadolomua taritah Vesanto, Leppävirta, Tervo, Rautalampi, Suonenjoki, Varkaus da Keitele.

Seitsemän kunnan markkinointitempaus sai 300 ihmistä innostumaan etätyölomasta Savossa

Suosittelemme sinulle