Hyppää sisältöön

Mänttä-Vilppulas mennäh joukolleh luonnon helmah vuvvennu 2021

Linnu virittäy liikkumah luonnos da sežo ottamah ozua pakkaskuun allun fotokuvakilbah.

Mänttä-Vilppulan luondo nägyy moizennu Pohjaslahten portaspäi. Kuva: Antti Eintola / Yle

Mänttä-Vilppulas mennäh joukolleh luonno helmah. Linnas todevutetah Ulkoiluvuosi 2021, kudai kannustau kaikkii liikkumah puhtahal ilmal ystävien, ruadodovarišoin, omahizien kel libo yksinähgi.

Ajatus luondokävelendyvuodeh näh rodih sit, gu Mänttä-Vilppulas on äijy meččiä, järvie da muudu luonduo, kus on hyvä liikkuo. Tavoittehennu on panna kundoh kohtii, kus rahvas kävelläh, da luadie niilöis kohtis tundietut.

Tiemuvuvven algamizeh sežo kuuluu fotokuvakilbu. Sih voit ottua ozua ottamal kuvua omas luondokävelendäs Mänttä-Vilppulas da jagamal kuvua somes, ezimerkikse Facebookas, Instagramas libo Twitteras.

Kilbuaigua on pakkaskuun 17. päivässäh. Tunnistehekse pidäs panna haštagat #taidekaupunkiliikkuu, #taidekaupunkiulkoilee da #taidekaupunki2021.

Kaikkien kilvan aigua juattuloin kuvien keskes palkitah kymmene parembastu kuvua da podarkakse annetah liikkumizeh liittyjiä tuotehtu libo palveluu.

Mänttä-Vilppulassa mennään porukalla ulos vuonna 2021

Suosittelemme sinulle