Hyppää sisältöön

Hiähkih da jenottukoirih niškoi ollah kehittämäs koronarokotehtu – “Rokottehen tulduu kazvattajil hävies suuri huoli alan tulies aijas”

Rokottehen testiiruičendu on menemäs, ga vie ei malteta sanuo, konzu rokoteh roih valmis.

Hiähkien koronarokottehen varustamizeh näh vie ei ole tarkua tieduo. Se ei rodei valmis ylen terväh. Kuva: EPA-EFE/All Over Press

Rokotehtu hiähkih da jenottukoirih niškoi ollah kehittämäs yhtes Suomen turkiselättilöin kazvattajien liitto da Helsingin yliopisto.

Rokotehtu ollah testiiruimas da sih menöy vie äijän kuudu. Vie ei malteta sanuo, konzu rokoteh roih valmis.

Taga-alal ollah Hollandies da Danies hiähkyfermoil tovendetut koronaviirusanepidemiet todetut koronavirusepidemiat. Sendäh gu koronaviirussu on zoonouzu libo toizin sanoin se voibi tartuo elättilöis ristikanzah da toizinpäi, Suomes tahtottih kehittiä hiähkih niškoi rokoteh.

Nygözen tiijon mugah hiähkät ollah herkät suamah koronaviirussua. Laboratourien ololois viirussu on tartunuh sežo jenottukoirih. Reboloih näh mostu tieduo ei ole.

Elättilöin vardoičus rokottehen vuoh iärestäs suomelazil kazvattajil suuren huolen alan tulieh aigah näh, nenga sanou turkiselättilöin kazvattajien liiton tutkimusjohtai Jussi Peura.

Liiton tiedoloin mugah kymmenes muas hiähkil on tovendettu koronaviirussua. Enimis voimatundutapahtuksis kui viirusan suannuot, mugai tilan muutgi hiähkät on tapettu. Ruočis luajittih toizin. Sie koronah voimatunnuzii elättilöi da fermoi kačotah, ga elättilöi ei tapeta.

Turkiselättilöin kazvattajien liiton tutkimusjohtai Jussi Peura tovendau, gu suomelazih elättifermoih niškoi on luajittu ruadometodat, kudamien vuoh tartundurisku vähenis. Syömisvirraston kačondan aigua Ruokaviraston seurannassa hiähkyfermoil ei ni ole löydynyh koronaviirussua.

– Suomes kazvattajat ollah ruattu ruaduo kahtu kerdua enäm, toizin sanoin vardoittu iččie dai elättilöi tilal. Rokoteh äijälgi kebjendäs heijän ruaduo.

Peura sanou, gu viirusan estämizes Suomes dielot mennäh parem, migu monis toizis mualois, sendäh gu vuitti meijän turkiselättilöis ollah reboit, kudamil viirussua ei ole tovendettu. Sen ližäkse elättifermuverkosto on levei.

Kodielättilöih niškoi sežo ollah kehittämäs koronarokotehtu ezimerkikse USA:s da Ven’al. On tovendettu, gu koronaviirussu voibi tartuo kažiloih.

Minkeille ja supikoirille on kehitteillä koronavirusrokote – "Rokote poistaisi tarhaajilta ison huolen alan tulevaisuudesta"

Suosittelemme sinulle