Hyppää sisältöön

Lappih uskaldetah päivästy da lujua pakkastu – erähis kohtis kai -40

Nedälinlopukse pakkaine vähäzel lauhtuu, ga tuliel nedälil ilmu myös vilustuu äijälgi.

Kovembua pakkastu uskaldetah nellänpiän, konzu jo huondestu myö voibi roita Lapin erähis kohtis kai -40. Kuva: Katariina Luoma / Yle

Lapis roih loppunedälin aigua putin talvi-ilmu. Ilmutiijon laitoksen mugah pakkaine rubieu lujenemah tossargen da siä roih kajožu saman päivän aigua. Tossargen Lappih uskaldetahgi vilustujan ilman ližäkse sežo päivästy, kudamua voit ihaloija piätteniččässäh.

Tossarren da kolmanpiän keskeizel yöl pakkaine lujenou -20 da -30 astehen välil eigo se sih ni azetu. Kolmanpiän vie on yhtenjyttyine pakkaine, ga kovembua pakkastu uskaldetah Lapin erähis kohtis. Se voibi olla kai -40. Erähis kohtis pakkaine pyzyy -35 mail. Vilumbi siä on Keski- da Suvi-Lapis.

Nedälinloppussah pakkazet lauhtutah. Siä muuttuu lauhkiembakse piätteničän aigua, da pakkastu roih nenga -20 mail. Ilmu roih pilvežy.

– Nedälinlopul pakkazet pyzytäh -5 da -15 astehen välil.Tuliel nedälil pakkaine uvvessah rubieu lujenemah. Iel voibi hätken olla poudusiä da pakkazet -30 mail, sanou Ilmutiijon laitoksen meteoroulogu Tuomo Bergman.

Lappiin luvassa aurinkoa ja kireitä pakkasia – paikoin jopa -40 astetta

Suosittelemme sinulle