Nuorien mahtot kezäruadokohtan löydämizeh suuretah Kotkas.
Tuliel kezäl linnu eksperimentiiruiččou kezäruadobanknotoinke, kudamien vuoh nuoret voijah löydiä ičelleh kezäruadokohtan.
Kotka andau 300 euron banknotan tänä vuon 16 nuorele. Käytändös linnu korvuau ruavonandajale 300 euruo nuoren palkuandas.
Kezäruadobanknotan voijah suaja kotkalazet 15–16-vuodizet nuoret. Sama nuori voibi suaja yhten banknotan kezäs. Kezäruadobanknottua ei voi suaja samazennu vuon Kotkan linnan kezäruadokohtan libo kezäyrittäjyön kel.
Banknottoi ruvetah jagamah sulakuun allus Kotkan Ohjuamos. Banknottu tilatah nuorele kahtekse nedälii, kudamien aigua hänel pidäy ilmoittua Ohjuamoh ruavonandajan nimi. Ei ilmoitanne nuori ruadokohtah näh, tulavus lopeh da banknottu siirdyy toizele ruavonecčijäle.
Kezäruadobanknotan vuoh voit mennä ruadoh Kotkan čupul olijah yritykseh, yhtistykseh, organizacieh, seurah libo fondah. Ruavontariččijan kodipaikku voibi olla muijal, gu vai ruado ruatah Kotkan alovehel.
Ruavonandajal pidäy maksua nuorile vähimyölleh 370 euron bruttopalkua. Kezäruado pidäy kestiä vähimyölleh kaksi nedälii da ruadoaigu pidäy olla 30 čuassuu nedälis libo vähimyölleh kaikkiedah 60 čuassuu kezäkavven aigua.
Kotkan linnanhalličus piätti kezäruadobanknotoin eksperimentah näh ezmässargen.
Kotka tukee nuoria kesätyöpaikan etsinnässä – maksaa työnantajille nuorten palkkaamisesta