Hyppää sisältöön

Pyydy da tedrii lendelöy Pohjas-Karjalas äijiä enämbi migu mulloi

Riistukolmikkočotaičendat ozutetah Pohjas-Karjalan čural hyviä kehitysty meččykanalinduloin kohtal. Pyykandu on kazvanuh enäm, migu muijal Suomes. Tedripuaksuvus sežo on muan keskiarvuo suurembi.

Tedrii Pohjas-Karjalas on enämbi, migu Suomes keskimiärin. Hyvät dielot ollah sežo susiedukunnis Kainuus da Pohjas-Savos. Kuva: Tanja Heikkonen / Yle

Meččykanalinduloin kannat ollah kazvettu muan enimil čuril jo nellätty vuottu peräkkäi.

Kezän riistukolmikkočotaičendoin mugah enne kaikkie pyykandu on kazvanuh läs kaikes muas, keskimiärin 32 prosental verraten mullozeh.

Pohjas-Karjalas kazvandu on olluh Kainuun rinnal suurin, pyydy on nenga 60 prosentua enämbi. Pohjas-Karjalas kandu on hätken olluon keskiarvon yläpuolel.

Tedrikandu sežo on lujennuh, ga paikallistu vaihtelendua on äijättävy. Pohjas-Karjalas, Kainuus da Pohjas-Savos tedripuaksuvus on selgiehgi muan keskiarvuo suurembi.

Mečoin kohtal lajiraportu vie ei ole valmis.

Omatahtozien luajittu riistukolmikkočotaičendu miäriäy meččypeittozen Suomen kanalindupuaksuvuttu. Tuloksih näh sanelou Luonnonvarakeskus.

Pyitä ja teeriä lentelee Pohjois-Karjalassa selvästi enemmän kuin vuosi sitten

Suosittelemme sinulle