Hyppää sisältöön

Sukkien luajindu jatkuu Nurmekses – Teseman zavodan bankrottupezäle ollah lövvytty uvvet omistajat

Uvves yritykses on kuuzi vuittiniekkua, kudamis yksi on bankrotakse mennyön yhtivön johtai Matti Alatalo.

Nygöi Olga Davidenkon ruado jatkuu uvven omistajan leivis. Kuva: Heikki Haapalainen / Yle

Nurmekses sukkii luadijan Teseman ruado jatkuu, sendäh gu bankrottupezäle ollah lövvytty uvvet omistajat. Sih näh sanelou yrittäi Matti Alatalo, kudai ruadoi bankrotakse mennyön Te-Se-Ma neule Oy:n johtajannu.

– Meidy on kuvven vuittiniekan joukko, kudai jatkau uvven yrityksen pohjal. Olen ruandas keräl, ga en johtajannu.

Sukkien luajindu on jatkunuh Nurmekses bankrotakse menendäh kaččomattah. Ruandua pyöritti kezän yli mennyt piätteniččässäh bankrottupezä.

Uvven, nygöi ruandua jatkajan yrityksen nimi on Tesema Oy.

– Keräl on kui paikkukundalastu, mugai vuittiniekkua muijalpäi Suomes. Omistuspohjah näh tarkembah sanelemmo elokuun loppussah.

Matti Alatalo on hyväs mieles sit, gu bankrottupezä hyväksyi uvven yrityksen ostandutaričuksen. Kuva: Heikki Haapalainen / Yle

Kezäkuun lopul bankrotakse mennyh Te-Se-Ma Neule ehti ruadua vuvves 1989 algajen.

Yritys andoi ruaduo Nurmekses 12 hengele, luadi läs 300 000 sukkua da azui liikehvaihtuo nenga miljonan euruo. Yrityksen myöndyalovehennu oli Suomi, ga sukkii meni sežo Japounieh, Francieh da Viroh.

Suomes ruadau al kymmenen sukkii luadijua yritysty.

Sukkien valmistus jatkuu Nurmeksessa – Teseman tehtaan konkurssipesälle on löytynyt uudet omistajat

Suosittelemme sinulle