Suomen tavaranviendän arvo nouzi syvyskuul 32,2 prosental verraten mullozeh syvyskuuh, nenga sanou Tulli omassah ennakkostatistiekas Tulli ennakkotilastossaan(siirryt toizeh palveluh). Viendän arvo oli 6,5 miljardua euruo. Vuvven allus viendän arvo on nossuh 17,8 prosental mullozeh verraten.
Yksi sellitys suurele kazvanduluvule oli syvyskuun statistiekkah puuttunuh nellän lendokonehen viendy Irlandieh. Ilmai niilöile kirjutettuu 384 miljonan euron arvuo olis viendän kazvandu jiännyh 24,4 prosentah.
Viendy EU-mualoih kazvoi 37,8 prosental, EU:n ulgopuolele 25 prosental. Ven’an viendäs sežo on raviedu kazvandua, kai 40,5 prosentua.
Tuondu kazvoi syvyskuul 19,4 prosental. Kaupputazeh oli 100 miljonua euruo ylijiämäine. Pakkas-syvyskuul kaupputazeh yhtelläh on pyzynyh alijiämäzenny, 2,7 miljardin euron ies. Mulloi samazel aigua alijiämy oli 3 miljardua.