Jovensuus löydyy meijän muan paras maltačču nuori rastavanpriädnieköin pastai.
Nedälinlopul piettylöis rastavanpriädnieköin pastandan SM-kižois 17-vuodine Anniina Hyvärinen voitti al 20-vuodizien sarjan omal Pariižan Eiffel-bašn’u -rastavanpriädniekäl.
– Iččeni kilburuado ei ole varzinazeh luaduh rastavahine, sendäh gu minun mieles hyväl tulijat priädniekät ollah kaikkih niškoi eloksenkaččomukses rippumattah. Suvaičen luonduo da matkuandua, da sendäh tahtoin luadie herkän ruavon, kudai vies ajatukset čomah Pariižah, nenga sanou Anniina Hyvärinen tiijoittehes kilbah näh.
Sud’d’ulisto ihaloičči enne kaikkie Hyvärizen ruavon herkytty da čomuttu. Koskettajas starinas rodih ylen hyviä, mostu universal’noidu rastavanmieldy.
Koronapandemien täh kilbu piettih virtualizennu. Finalistat pastettih yhtel aigua omissah keitändypertilöis Suomen eri čuril da sud’d’ulisto kačoi kilbuniekoin ruaduo videopaginan välityksel.
Sud’d’ulisto pidi omassah ruaduo vaigiennu, sendäh gu tazo oli korgei da kiža aiga tazaine mollembis sarjois.
Sud’d’ulistole ozutettih kui perindöllizii, mugai modernoi kilburuadoloi. Rastavanpriädnieköin pastandan SM-kilboih otettih ozua kui aiguhizien, mugai nuorien kižois maltačut pastajat sego kaikenualazis kilvois palkitut pastajat. Sud’d’ulisto löyhki pastajien tazazeh mennytty ruandua. Kaikis ruadolois nägyi neruo da kai priädniekät oldih eriluaduzet.
Aiguhizien sarjan voitti vantualaine Piia Hjelt omal Rastavahine valgienozuteh -tevoksel.
Joensuulainen Anniina Hyvärinen on Suomen paras nuori piparileipuri