Rastavan aigua ristikanzoin tahto avvuttua lähästy korostahes. Mulloi korona-aigu nosti äijien avustusjärjestölöin suavut kerävystulot rekordumiärissäh keräystulot ennätyslukemiin.
Päijät-Hämies tänäpäi pannah käymäh paiči muudu Hope ry:n rastavankerävys da perindölline Rastavanpuu-kerävys.
Rastavanpuu-kerävys pietäh jo 21. kerran Päijät-Hämies da se tuou rastavaniluo Lahten sego Hollolan perehien lapsile. Rastavanpuu-kerävyksen idejannu on andua lapsile mielehine rastavanpodarku, da se lykystyy lahjukartin vuoh.
Kerävysaigu jatkuu talvikuun 15. päivässäh. Kerävyksen pidäy Lahten Nuorkauppakamari ry yhtesruavos Lahten Diakoniilaitoksen, Lahten Seurukunduyhtymän, Kohtaamispaikka-verkoston, Lahten alovehen Rotaryklubien sego Opastuskeskus Salpauksen kel.
Hope Lahten rastavankerävys pannah käymäh talvikuun enzimäzenny piän.
Dengulahjoituksien vuoh tugietah lapsien da nuorien himoruadoloi sego joudoaijan elämyksii, kudamih talovehellizesti pahembas tilandehes olijoil perehil ei olis muite mahtuo. Rastavankerävys andau sežo vähävarazien perehien lapsile rastavanlahjua 20 paikkukunnale.
Hope Lahti mulloi avvutti 300 perehele, kudamis lastu oli 640.