Lapsien ekruanuaigua tutkitah Päijät-Hämies. Hollola, Lahti da Orimattila ollah keräl kolmevuodizes kanzoinvälizes tutkimukses, kudamas sellitetäh 2–6-vuodizien lapsien digilaittehien käyttyö.
Tutkimukses sellitetäh, kui äijän da mih tarkoituksih lapset käytetäh digilaittehii. Tieduo kerätäh sežo vahnembien huolentiemois, kuduat liitytäh digilaittehien käytön vaikutuksih lapsih.
Vahnembat vastatah Jyväskylän yliopiston kyzelyh. Internet-kyzelyh voit vastata talvikuun 12. päivässäh. Materjualua kerätäh nygöi jo kolmattu da jälgimästy kerdua.
Eričyksellizenny dielonnu pietäh vahnembien kogemuksii korona-aijan vaikutuksis lapsien ekruanuaigah. Vastavuksien pohjal verdaillah digiaigua suomelazis da aazielazis perehis.