Pohjassavolazet äijäl suvaijah syvvä täyzivil’l’as luajittuloi pastoksii da toizii syömizii, nenga sanou Tervehyön da hyvinvoindan laitos. THL:n tutkimuksen mugah enäm yheksiä kymmenes suomelazis aiguhizis syöy täyzijyvävil’l’as varustettuu syömisty. Vahnembat igäjoukot syvväh niidy enämbän, migu nuorembat.
Tärgiembät täyzijyvävil’l’at ollah ruis da kagru. Ruisleivät, pudrot da segaleivät katetah nenga 80 prosentua täyzijyvän suandas.
Hyvä täyzijyvän suandu syömizis pienendäy riskua voimattuo toizen luavun diabiettah, syväin- da verisuonitaudiloih sego sangien šuolen da peräšuolen ruakkah.
Pituaniennevvoloin mugah vil’l’as varustettuloi syömizii pidäs syvvä joga päiviä 6–9 annostu, kudamis vähimyölleh puolet oldas täyzijyvähizet. Yksi vil’l’uannos on viibalo leibiä libo ezimerkikse dezi keitettyy täyzijyväpastua. Torielku pudruo vastuau kahtu vil’l’uannostu.