Yle Ođđa musihka gilvu UMK22 sáddejuvvo ihttin lávvardaga diibmu 21.00 Yle kanálain. Gilvu láidestuvvo maid anáraš- ja davvisámegillii. Sámegielat láidesteami lea vejolaš čuovvut Yle Areena bokte.
Dihtoriin dahje jierbmetelefovnnain sámegillii láidestuvvon sátta gávdno álkimusat čujuhusas yle.fi/umk, gos sáhttá válljet sáddaga láidestangiela. Televišuvnnaid Yle Areena -applikašuvnna ovdasiiddus UMK22 lea stuorrát oidnosis.
Sámegielat kommentáhtorat leaba Yle Sámi doaimmaheaddji guovttos Heli Huovinen anárašgillii ja Linda Tammela davvisámegillii. Soai beaivádeaba dovdduideaskka maiddái Yle Sámi Instagram-konttus.
Sáddaga lea vejolaš čuovvut Yle Areenas miehtá máilmmi.
Jienas nuvttá Yle-applikašuvnnain
Ođđa musihka gilvvus válljejuvvo Suoma ovddasteaddji Eurovision-musihkkagilvui. Dán jagi Eurovision-gilvu lágiduvvo miessemánus Torinos, Itálias.
Iežas jiellatbihtá sáhttá jienastit nuvttá Yle-applikašuvnnain, man sáhttá luđet mobiilarusttegiidda. Applikašuvdnii galgá čálistit iežas sisa Yle dovddaldagain. Suoma siskkobealde sáhttá jienastit maiddái teakstadieđuin dahje riŋgestemiin jienastannummirii.
Juohke áidna jietna lea dehálaš, danin go stuorámus váldi lea geahččiin. Vuoiti válljejupmái váikkuhit geahččiid jienat 75 proseanttain ja riikkaidgaskasaš válljenjoavkku čuoggát 25 proseanttain.
Beaivvi ságaid ja Yle Ođđasiid Sámis sáhtát maid guldalit Yle Areenas.