Hiihtoammundan muailmankubkan pyhänpiän loppenuhes Kondiilahten vuittikilbu kučui paikale läs 8 000 kaččojua.
Kižat puutui pidiä kaččojien tapahtumannu enzimästy kerdua vuvven 2018 jälles. Iellizes kolmes tapahtumas rahvastu ei olluh keräl koronarajoituksien täh.
Tapahtumanjohtai Sami Leinonen sanou, gu kui sportuiččijat, mugai kanzoinvälizen biatlonan evustajat kiitettih hyväs atmosfieras da passiboittih kannustajii kaččojii.
Tulii mualmankubku-kauzi avatah Kondiilahtel kylmy-talvikuun vaihtos 2022.
Kondiilahti tahtou pidiä lajin vuvven 2027 MM-kižat Höytiäizen randumaizemis.