Suomi on pruaznuinnuh omassah nellätty hokkein miehien muailmanmuasterižuttu. Kuldu varmistui myöhä pyhänpiän ehtäl kodikižois Tamberel, konzu Leijonat voitettih jatkoerän jälles čotal 4–3.
Kuldazes joukkovehes kižai lahtelaine Hannes Björninen, kudai on tänä vuon voittanuh olimpiiskoin kullan da nygöi omassah enzimäzen muailmanmuasterižuon.
Oman MM-kulduajon piätti sežo Hämienlinnan jiäkur’oiškolan kazvatti Juuso Hietanen, kudai nygöi otti ozua iččeh kaheksanzih MM-kižoih.
Lahtes suat ristikanzat kerävyttih keskilinnah Lanu-augivole pruaznuimah kuldastu medalii. Keskučan uuličat täytyttih äijil signualua andajil mašinoil.
Jälgimäzii pruaznuiččijoi nähtih restoranoin ies ezmässargen huondeksel viijen mail.