Arktizet linnut vie jatketah muuttuo. Viluloin ilmuvirdavuksien täh pajolinduu matkuau ielleh pezindyčuppuloile.
Arktizien lajiloin muuttuo tarkazeh kačottih Arktika-päivien aigua Virolahtel, sendäh gu linduloin maršruttu menöy Virolahten kohtal.
Valgošokkuhanhet ollah jo muutettu, da täl kerdua niidy nähtih manderel hyvin. Toizielpäi sepelhanhet nygöi muutettih enimite meren čurale. Kurmoloin muutto myös oli ylen čoma.
– Arktizien linduloin muutto tänä vuon oli tavanmugazes eruoju, ga Virolahtel yhtelläh nähtih ylen čomua arktikua kaikkien käyjien ilokse, nenga sanou tiijoittehes linduspecialistu Jari Markkula.
Arktika-päivät Virolahtel loppiettihes pyhänpiän.
Pidoh kävyi nenga 3 500 hengie. Se oli mugaže äijy, kui enne koronapandemiedu.