Njuike sisdoaluide

Boles dutká: Ruošša biila durddiduvvon Avvilis

Boles dutká biilla durddideami vahátdahkun. Biila durddiduvvui Avvilis 18.8.

Ruošša biila durddiduvvui Avvilis borgemánu 18. beaivve. Govva: Yksityinen

Ruššii registrerejuvvon biilii ledje málejuvvon Z-bustávat Avvilis. Boles dutká ášši vahátdahkun. Ášši dáhpáhuvai Avvilis, S-market -gávppi šiljus duorastaga 18.8. diibmu 11.00–11.10 gaskasaš áigge.

Z-bustávas lea šaddán soađi symbola ja bustáva oidno olu Ruošša soahtepolitihka guottiheaddji gaskkas.

Bolesis ii leat dán muttus dieđus, gii lea rihkosa dahkan, muitala dutkanhoavda Esa Harju Lappi bolesis.

Boles bivdá álbmoga almmuhit vejolaš áicamiin bolesii šleađgaboastta bokte čujuhussii vihjeet.lappi@poliisi.fi.

Yle dieđuid mielde eanetge ruošša biillat leat durddiduvvon.

Ođđasamosat: paketissa on 10 artikkelia