Njuike sisdoaluide

Riikkabeaiáirasat leat guođđán čálalaš gažaldaga ráđđehussii ON nállevealahankomitea moaitagiin

Čálalaš gažaldaga leat vuolláičállán Jenni Pitko Ruonáin, Eva Biaudet Ruoŧŧelaš Álbmotbellodagas, Veronika Honkasalo Gurutlihtus ja Saara-Sofia Sirén Olgešbellodat Kokoomusas. Ráđđehusas lea golbma vahku áigi vástidit čálalaš gažaldahkii.

Sámediggeláhkaevttohus galggašii geargat riikkabeivviide maŋimustá vahkus 46 vai riikkabeaivvit geargá gieđahallat dan vel dán ráđđehusbaji áigge. Govva: Silja Viitala / Yle

Njeallje riikkabeaiáirasa leat mannan vahkus guođđán čálalaš gažaldaga ráđđehussii das, mo Suopma vástida Ovttastuvvan našuvnnaid nállevealahankomitea moaitagiidda sámiid rivttiid ollašuvvamis. Čálalaš gažaldaga leat vuolláičállán Jenni Pitko Ruonáin, Eva Biaudet Ruoŧŧelaš Álbmotbellodagas, Veronika Honkasalo Gurutlihtus ja Saara-Sofia Sirén Olgešbellodat Kokoomusas.

Ráđđehusas lea golbma vahku áigi vástidit čálalaš gažaldahkii.

Loga lasi: ON nállevealahankomitea: Suopma lea rihkkon nállevealaheami vuostásaš riikkaidgaskasaš soahpamuša sápmelaččaid válgalogahallanáššis

Riikkabeaiáirras Jenni Pitko Ruonáin jearai mannan vahkus maid vuoigatvuohtaministtar Anna-Maja Henrikssonis seamma gažaldagago riikkabeaivvit gieđahalai boahtte jagi bušeahttaárvalusa. Pitko buvttii ovdan sáhkavuorustis maid, ahte ođđa sámediggeláhka dárbbašuvvo jođánit.

Henriksson vástidii, ahte ráđđehusa siste leat vel váttisvuođat gávdnat ovttaoaivilvuođa lága sisdoalus, muđui son livčče jo buktán láhkaevttohusa riikkabeivviide.

Loga lasi: Sámediggeláhkaođastus ii oro ovdáneamen – Riekteministtar: "Ii leat mihkkige suollemasvuođaid ahte guovddášbellodahkii lea váttis dohkkehit láhkaevttohusa"

Sámediggeláhkaevttohus galggašii geargat riikkabeivviide maŋimustá vahkus 46 vai riikkabeaivvit geargá gieđahallat dan vel dán ráđđehusabaji áigge.

Lappi riikkabeaiáirasat eai leat gárvá ovddidit sámediggelága eavttuid haga. Njeallje Lappi riikkabeaiáirasa vástidedje Ylei sámediggelága ovddideamis borgemánus. Goit guovddášbellodaga Markus Lohi ja Mikko Kärnä leaba gárvá ájihit sámediggelága ovddideami, jus das ii gávdno ovttaoaivilvuohta.

Loga lasi: Lappi riikkabeaiáirasat eai ovddit sámediggelága eavttuid haga: "Ii galgga vuordit vuoittu, muhto ohcat baicce kompromissa", oaivvilda Lohi

Yle Ođđasiid Sámis ja Beaivvi ságaid sáhtát maid guldalit Yle Areenas.

Ođđasamosat: paketissa on 10 artikkelia