Njuike sisdoaluide

Guldal jiena: Oahpahusa lágideaddjiide ja oahpaheaddjiide fállet dieđu sámiin – ulbmilin addit dieđu, man láhkai deaivat sámemáná skuvlabirrasis

Skuvlejumis gieđahallet earet eará sámeoahppiid gielalaš ja eará vuoigatvuođaid skuvllain sihke dan, man láhkai sámedieđu lasihemiin sáhttá váikkuhit vuoigatvuođaid ollašuvvamii.

Oahpahusdoaimma bajitdárkkisteaddji Satu Pieski muitala, ahte maiddái Lappi AVI hálida juohkit dieđu sámiin ja sin rivttiin skuvllaide miehtá Suoma. Govva: Satu Pieski

Lappi guovlluhálddahusdoaimmahat ordne otne gaskavahku ovttas Sámedikkiin, Sámedikki nuoraidráđiin, sámegielaid gáiddusoahpahusa pilohttaprošeavttain sihke Nuoraid akademiijain Sámediehtu oahpahussuorgái -skuvlejumi (siirryt toiseen palveluun) neahta bokte. Ulbmilin lea fállat sámedieđu oahpahusa lágideaddjiide ja oahpahussuorggis doaibmiide.

– Badjel 70 proseantta sámemánáin ja -nuorain ássá sámiid ruovttuguovllu olggobealde, ja dušše 10 proseantta sis studere sámegiela. Skuvlema ordnejeaddjit dahje oahpaheaddjit eai vealttekeahttá gula daid mánáid sámásteamen dahje oainne máná olgguldas hámis máná etnisitehta, muitala oahpahusdoaimma bajitdárkkisteaddji Satu Pieski Lappi guovlluhálddahusdoaimmahagas.

Skuvlejumis gieđahallet earet eará sámeoahppiid gielalaš ja eará vuoigatvuođaid skuvllain sihke dan, man láhkai sámedieđu lasihemiin sáhttá váikkuhit vuoigatvuođaid ollašuvvamii.

– Dáinna skuvlejumiin mii hálidat čalmmustahttit dan, ahte Suoma skuvllain leat maiddái sámemánát, geat vázzet doppe ovttas skuvlla eará mánáiguin. Ja ulbmilin lea addit dieđu, ahte man láhkai deaivat sámemáná doppe skuvlabirrasis, vaikko mánná ii oba hálage sámegiela dahje ii gullo hállamin sámegiela, dadjá Pieski.

Skuvlejumis leat doallamin sáhkavuoruid ovdamearkan Sámedikki bargit ja nuoraidráđi ságadoalli. Prográmma (siirryt toiseen palveluun) gávdno earet eará Sámedikki neahttasiiddus.

Yle Ođđasiid Sámis ja Beaivvi ságaid sáhtát maid guldalit Yle Areenas.

Ođđasamosat: paketissa on 10 artikkelia