Njuike sisdoaluide

Geahča video: Artesánastudeanttat leat duddjon dujiid museagávpái – studeantta mielas lea dehálaš beassat oidnosii

Sámemusea Siida lea jo moanáid jagiid diŋgon Sámi oahpahusguovddáža studeanttain dujiid, maid sáhttet vuovdit museagávppis olbmuide. Ovttasbargu lea dehálaš goappáge oassebeallái.

Hopeakoruja lasivitriinissä.
Sámi oahpahusguovddáža studeanttat leat plánen ja duddjon buktagiid, maid sáhttet vuovdit Siidda museagávppis. Govva ja video: Susanna Guttorm.

Sámi oahpahusguovddáža artesánastudeanttat leat otne buktán silbadujiideaset vuovdinláhkai Sámemusea ja Luondduguovddáš Siidii. Organisašuvnnain leamaš jo moanáid jagiid ovttasbargoprošeakta, mas oahpahusguovddáža studeanttat plánejit ja duddjojit buktagiid, maid sáhttet vuovdit Siidda museagávppis.

– Lea dehálaš bargat ovttas báikkálaš studeanttaiguin ja oahppolágádusain. Mis leat maiddái áli hárjehallit barggus áššehasbálvalusas, dálge lea mátkeealáhusbeale studeanta. Mis lea lagaš ovttasbargu, unna báikegoddi ja unnán doaibmit, de lea dehálaš bargat ovttas, dadjá Siida Shop vuovdin- ja márkanfievrridanassisteanta Taija Aikio.

Okta artesánastudeanttain, guhte lea plánen ja duddjon silbaduoji Siidii vuovdimassii lea Hanna Mari Mykkänen. Su mielas lea buorre beassat dáinna lágiin oidnosii.

– Lea dehálaš studeantan, ja go vel hárjehallá, de oažžut iežas buktagiid oidnosii ja dalle olbmot oahpásmuvvat dasa maid bargá. Lea dehálaš bargat ovttas Siidda lágan stuorra lágádusain, dadjá Mykkänen.

Yle Ođđasiid Sámis ja Beaivvi ságaid sáhtát maid guldalit Yle Areenas.

Ođđasamosat: paketissa on 10 artikkelia