Korgeisuaren zooparkan kondiet ollah vierty muate talvekse. Kondiet ollah kerätty omassah razvuvarua sygyzyn aloh, sendäh hyö voijah muata äijän kuun aijan, nenga tiijoittau zooparku.
Zooparkan kondienlinnas eläjät 21- da 16-vuodizet emäččykondiet ollah vietetty jälgimäzet nedälit enimite talvipezäs.
Korgeisuaren elättilöinhoidajat ollah vähendetty kondieloin syömizii sen mugah, kui niilöin syöndyhimo on pienennyh. Jälgipäivien aigua kondiet ollah syödy vaigu saluattua, juablokkua da keldujuurikoidu.
Zooparkan kondieloile täkse talvie mielehizikse pezämaterjualoikse roittih puikkopalat da lastut. Kondiet ollah pehmendetty magavosijoi ezimerkikse jägäläl, rizuloil sego männyn da kuuzen oksil.
Kondieloin talviuni mulloi keskevyi jo Rastavan aigua murennuon vezibutken täh. Nygöi kondiet jätettih mullozen pahaozazen pezän kogonah käyttämättäh, nenga sanou zooparku omassah tiijoittehes tiedotteessaan (siirryt toizeh palveluh). Tavan mugah Korgeisuaren kondiet ollah havačuttu talviunes tuhukuul.