Kidielpäi lähtözin olii, muailman suurembih metalluyhtyvehih kuului Nightwish pidäy konsertan omassah kodilinnas tulien kezän.
Nightwishan konsertu roih Kidien Randukentäl piätteniččän 16. kezäkuudu 2023. Randukentän pezämiäččystadionan kogonaine kapazitiettu on konsertas läs 10 000 hengie. Vuotetah, gu pido roih loppuhmyödy, da stadionan aijembi käyjienrekordu rikkovus tovengi.
Konsertan organizuičendas keräl lujah on Kidien Miäččy (Kiteen Pallo). Muailman gastroliloin loppijoin, peräkkäzinny päivinny organizuittavien Kidien da Vaazan konsertoin jälles yhtyveh jiäy väliaijale azumah uuttu al’bomua.