Njuike sisdoaluide

Neavttár Krista Kosonen ja badjel 40 eará Suoma beakkálmasa dorjot sámediggelága – neavttáriid, musihkkáriid ja politihkkáriid video beaggá somes

Badjel 40 Suoma beakkálmasa leat mielde videos, mas sii čájehit doarjageaset sámediggeláhkaođastussii.

Useat julkisuuden henkilöt ottivat kantaa saamelaiskäräjälain puolesta
Máŋggat Suomas dovddus neavttárat, musihkkarat ja politihkkarat buktet ovdan, ahte sii dorjot ođđa sámediggeláhkaevttohusa.
Vihtori Koskinen,
Linda Tammela

Máŋggat Suomas dovddus neavttárat, musihkkarat ja politihkkarat buktet ovdan, ahte sii dorjot ođđa sámediggeláhkaevttohusa. Beakkálmasaid video lea leavvágoahtán sosiála medias ja das leat mielde oktiibuot 44 olbmo.

Doarjaga čájehit earret eará neavttárat Tommi Korpela, Krista Kosonen, Riku Nieminen, Kari Hietalahti, doaimmaheaddjit Maria Veitola, Tunna Milonoff, musihkkárat Hildá Länsman, Ailu Valle, Tuure Kilpeläinen, Olavi Uusivirta, Maija Vilkkumaa ja Anna Abreu, ja ovdamearkka dihte ex-korespábbaspealli Shawn Huff ja Ruoná bellodaga várreságadoalli Fatim Diarra.

– Sápmelaččat dárbbašit min buohkaid doarjaga, vai sin iešmearridanriekti ollašuvvá, dadjá musihkkár Sami Yaffa videos.

Neavttár Malla Malmivaara bealistis lohká, ahte sámediggeláhka galggašii leat diehttalas. 

Video lea čohkken anáraš Erja Morottaja ovttas eará sámediggelága bealušteaddjiiguin. Morottaja muitala, ahte son lea fuomášan, man olu fáddá sihke geasuha ja moive olbmuid Suomas.

– Orui šaddamen heahti, ahte min eat guldal, Erja Morottaja muitala video duogážiin. 

Šattai jurdda filmmažis, mas beakkálmasat oaččošedje čájehit doarjageaset sámediggeláhkaođastussii.

– Olbmuin lea dáhttu veahkehit min ja dádjat, ahte ehpet leat okto dainna áššiin, dát lea min buohkaid ášši, iige sápmelaččaid galgga guođđit okto dainna, Morottaja njuorrasa.

Ođđasamosat: paketissa on 10 artikkelia