Njuike sisdoaluide

Looǥǥâlm, fiʹlmm, musikk, saǥstõõllmõõžž – sääʹmkulttuurneäʹttel noori oummuid kuullâd, vueiʹnned da mainsted saaʹmi jieʹllem pirr

Sääʹmkulttuurneäʹttel vieʹttješ eʹpet koummân sääʹmsiidâst. Šõddmõõžžâst kuʹlleš da vueiʹnneš Jääkk Sverloff -seminaar, Maaddârääkk šaamšiǩ -fiiʹlm da Suõmmkar-bääʹnd musiikk.

Leena Wesslin, Sevettijärvi
Sääʹmkulttuurneäʹttel vieʹttješ eʹpet koummân sääʹmsiidâst. Šõddmõõžžâst kuʹlleš da vueiʹnneš Jääkk Sverloff -seminaar, Maaddârääkk šaamšiǩ -fiiʹlm da Suõmmkar-bääʹnd musiikk.
Suvi-Tuuli Fofonoff

Mõõnni neäʹttel neljdpeeiʹvest sueʹvta vieʹttješ sääʹmkulttuurneäʹttel Čeʹvetjääuʹrest, Njauddmest da Njeäʹllmest mueʹdd eeʹjj kõõut mâŋŋa. Prograammâst leʹjje Jääkk Sverloff -haʹŋǩǩõõzz looǥǥâlm, Maaddârääkk šaamšiǩ -fiʹlmmčuäjtõõzz da Suõmmkar -bääʹnd čuäjtõõttmõõžž.

Sääʹmkulttuurneäʹttel vuõssmõs peeiʹv Čeʹvetjääuʹrest oummu rämmše, ku pieʹsse kuʹǩes ääiʹj mâŋŋa kaaunõõttâd jeeʹres oummuivuiʹm. Satu Tuominen puõʹđi Sääʹmkulttuurneäʹttla vuõss vuâra.

– Tät lij jäʹrjstum sami puârast. Lij leämmaž sami miõllǩieʹssi, da teâđast muʹnne lie leämmaž jiânnai ođđ ääʹšš.

Sääʹmkulttuurneäʹttel prograammâst Tuominen tuʹǩǩii jeäʹrben Maaddârääkk šaamšiǩ -fiiʹlmest, koon lie ohjjääm Harry Johansen da Anstein Mikkelsen.

– Tõt leäi sami kuõskteei. Muʹst feʹrttji sekkad kõnnjlid ouddâl tän mainstâttmõõžž, mušttal Tuominen.

Markus Juutinen Oulu universiteeʹtt Giellagas-instituuttâst leäi õhtt Sääʹmkulttuurneäʹttel jäʹrjsteeʹjin. Son leäi šõddmõõžžâst mainsteʹmen Jääkk Sverloff -haʹŋǩǩõõzz pirr.

– Mij tieʹttep jiânnai nåkam aaʹššid, koid säʹmmla lie väjldâttam leʹbe jie leäkku ni kuäʹss mättjam. Muu miõlâst lij vääžnai, što mij uʹvddep mååust täid teâđaid.

Juutinen vuõʹrdi šõddmõõžžâst jäänmõsân kaaunõõttmõõžžid oummuivuiʹm. 

– Mon tuʹǩǩääm mainsted saaʹmivuiʹm, teâđast säämas še. 

Leena Wesslin vuässõõđi sääʹmkulttuurneäʹttla Čeʹvetjääuʹrest vieʹsslõs miõlin. Suu miõlâst lij vääžnai, što sääʹmkulttuurneäʹttel da Jääkk Sverloff -seminaar jäʹrjsteš tanni.

– Mon vuârdam, što täk nuõrab oummu še koʹlle täid da fiʹttje, måkam jieʹllem lij leämmaž. Teä teäʹtte mainsted jeärrsid, nuõrbid, måkam lie leämmaž ääʹšš.

Looǥǥ lââʹzz: 

Sääʹmkulttuurneäʹttel puätt eʹpet - prograammâst lie Jääkk Sverloff -seminaar, Maaddârääkk šaamšiǩ -fiʹlmm da Suõmmkar-bääʹnd musikk

Maaddârääkk šaamšiǩ -fiʹlmm vueiʹti pueʹrmõs kuʹǩes dokumeʹnttfiiʹlm ciist Kanadast – ij leäkku teâtt, kuäʹss fiiʹlm vueiʹnet Lääʹddjânnmest

Lââʹzz sääʹmǩiõllsaž ođđsid vuäitak ǩiõččâd Yle Ođđâz-seeidast da kuvddled Nuõrttsäämas-seeidast Yle Areenast.

Ođđasamosat: paketissa on 10 artikkelia