Norgga Girkonjárggas ságastallet odne málbma-, gássa- ja oljuriggodagaid ávkkastallamis. Jearaldat lea riikkaidgaskasaš semináras, gosa čoahkkanit birrasii čuohti ealáhuseallima, dutkamuša ja almmolaš hálddahusa ovddasteaddji.
Semináras guorahallet guovllu boahtteáiggi ja ovttasbargovejolašvuođaid.
Seminára oasseváldit bohtet Norggas, Ruoŧas, Suomas ja Ruoššas. Suoma ovddasteaddjit buktet semináras ovdan earret eará Kevitsa ruvkeprošeavtta.
Málbma-, olju- ja gássaseminára álggii ikte, maŋŋebárgga.