Suoma váigadis beahtodilli čuohcá ain eanet ja ain viidáseabbot boazodollui. Earret eará gumppet, albasat ja geatkkit leat sakka lassánan sámiguovllus maŋimuš jagiid áigge. Dilli ii oro čoavdašuvvamin, go Suoma spirepolitihkka ii daga vejolažžan beađuid geahpedeami.
Boazodoalu ruđalaš birgejumi lassin lea dan beaggin lea hedjonan, go eandalit ealliidsuodjalanorganisašuvnnat leat jo guhkit áigge dubmen badjeolbmo lobihis spiregoddin.
Mannan dálvve spiret dagahedje váttisvuođaid miehtá boazodoalloguovllu. Báišduoddaris ja Muotkeduoddaris giksin ledje gumppet, Sálleváris albasat ja Giehtaruohttasis geatkkit.
Giehtaruohttasa várreboazoisit Wilhelm Tornensis lea dolkan Suoma spirepolitihkkii. Sus lea hui oktageardán čoavddus dillái.
- Biddjet rádjegoziheaddjiid goddit getkkiid virggálaččat ja heitet sivaheamis badjealbmáid.
YLE/ Kalle Mannela