Lappi gearretriekti lea hilgon golmma badjeolbmo áššáškuhttimiid Soađegilis.
Okta soađegililaš ja guokte gihttellaš badjeolbmo ledje áššáškuhtton ealliidsuodjalanrihkkosis. Áššáškuhttima mielde albmát ledje ráfehuhttan geatkki mohtorgielkkáiguin Rajala gili davábealde Soađegilis sihke gielddarájá nuppi bealde Gihttelis. Albmát eai juksan geatkki.
Áššáškuhttin hilgojuvvui go rievttis eai bastán duođaštit geatkki vuojiheami.
Navdojuvvon rihkus dáhpáhuvai ođđajagimánus 2009.